عشرين شارب لي فناجيل

 من دلة صفرا بها شاذليه

من دلة تبري ضرم للرجاجيل

 سويتها باللي تردد عليه

 احد يقول البن طاغي على الهيل

 واحدن يقول الهيل زايد شويه

احدن يدور للغلط باب تعليل

 يحط منقوده بهاذي وذيه

واحدن يحلل حكيها االزين تحليل

 غلطان منهو يحسب اني رديه

 غلطان ثم غلطان ياناس بالحيل

 بيني وبينه يالوفي مكرهيه

انا البدويه عزوتي قربهم ويل

ايه البدويه والفخر للبدويه

 لاني من اللي ترتكب عار بليل

ولاني من اللي تقبله في هديه

ولاني من اللي شانها القال والقيل

 ولاني من اللي تعشق العنصريه

يامشغلين اعماركم حطن وشيل

 حضرة جناب العز قبل ايديه

مامالت البدويه ولاتعرف الميل

 كل البشر تدري باني نقيه

 يالله عسى حظه مثل صاحب الفيل

 اللي نوى مكه لفعل الخطيه

وجزاه بحجارة بطير ابابيل

 امسمومه من عند رب البريه